“Kəpəz” iki futbolçu ilə müqavilə bağlayıb

Bakı. 25 dekabr. REPORT.AZ/ “Kəpəz” iki futbolçunu heyətinə qatıb.

“Report” klubun rəsmi saytına istinadən xəbər verir ki, Gəncə təmsilçisi mövsümün ilk yarısını “Keşlə”də keçirmiş Samir Zərgərov və “Zirə”dən ayrılan Murad Səttarlı ilə müqavilə bağlayıb.

Yarımmüdafiə mövqeyində çıxış edən hər iki oyunçu ilə bir illik razılıq əldə olunub.

Qeyd edək ki, Samir Zərgərov 2010/2011 mövsümündə də “Kəpəz”in formasını geyinib.