Yuxarı
    Bağlamaq

    Bu gün "Kəpəz" AZAL klubu ilə qarşılaşacaq

    Gəncədə mövsümə start veriləcək

    Bakı. 13 avqust. REPORT.AZ/ Bu gün Azərbaycan Premyer Liqasında II turun növbəti oyunu keçiriləcək.

    "Report"un məlumatına görə, günün yeganə görüşü Gəncədə baş tutacaq.

    Yerli "Kəpəz" Bakı təmsilçisi AZAL-ı qəbul edəcək. İlk turda bütün matçların paytaxtda olduğunu nəzərə alsaq, bu, 25-ci çempionatda bölgədə ilk qarşılaşma olacaq. Üstəlik, "Kəpəz" bu yay Avropa Liqasında ev matçlarını Bakıda, "Dalğa Arena"da keçirdiyindən, Gəncədə mövsümə məhz AZAL-la matçla start verəcək.

    Hər iki komanda ilk turda 0:2 hesabı ilə uduzub və xal hesabını açmağa çalışacaq.

    13 avqust (şənbə)

    17:00. "Kəpəz” – AZAL

    Hakimlər: Əliyar Ağayev, Zeynal Zeynalov, Rza Məmmədov, Yaşar Abbasov

    Əlavə köməkçi hakimlər: Rauf Cabbarov, İnqilab Məmmədov

    AFFA nümayəndəsi: Eldar Qasımov

    Hakim-inspektor: Şahin Cəfərov

    Gəncə. Şəhər stadionu

    Turun ilk görüşündə "Sumqayıt" evində "Qarabağ"a 0:2 hesabı ilə uduzub. "Qəbələ" isə "İnter"lə sülh bağlayıb - 0:0.

    Qeyd edək ki, tura avqustun 14-də keçiriləcək "Neftçi" - "Zirə" maçtı ilə yekun vurulacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi