Yuxarı

“Kəpəz” 2018/2019 mövsümündə avrokuboklarda iştirakdan imtina edib

“Kəpəz” 2018/2019 mövsümündə avrokuboklarda iştirakdan imtina edib
Avropa kuboklarında iştirak üçün müraciət etməyən digər klub isə Səbaildir

Bakı. 22 yanvar. REPORT.AZ/ “Kəpəz” futbol klubu 2018/2019 mövsümündə avrokuboklarda iştirakdan imtina edib.

Bu barədə “Report”a Gəncə klubundan məlumat verilib. Cari mövsümdə Azərbaycan Kubokunda mübarizəni dayandıran, Premyer Liqada isə 7 xalla sonuncu – 8-ci pillədə qərarlaşan “sarı-göylər”in rəhbərliyi AFFA-nın Lisenziyalaşdırma Qrupuna qitə miqyaslı turnirlərə qatılmaqla bağlı müraciət etməyə ehtiyac görməyib.

Gələn mövsüm Avropa kuboklarında iştirak üçün müraciət etməyən digər klub isə "Səbail"dir. Premyer Liqanın debütantı ölkə çempionatlarının müxtəlif liqalarında 3 mövsüm çıxış etmədiyinə görə 2018/2019-da avrokuboklara qatıla bilməz.

Qeyd edək ki, AFFA-nın Lisenziyalaşdırma Qrupunun rəhbəri Elçin Məmmədova yanvarın 18-də “Report”a açıqlamasında Premyer Liqa klublarından heç də hamısının gələn mövsüm Avropa kuboklarında iştirak üçün müraciət etmədiyini bildirmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi