Yuxarı

Kamran Ağayev "Qəbələ"nin Antalyadakı ilk məşqinə qatılmayıb

Komandanın hazırlıq prosesində yeni transferlər və zədəsini sağaldan futbolçular da iştirak edib

Bakı. 6 yanvar. REPORT.AZ/ 2014-2015 mövsümünün ikinci yarısının hazırlıqlarını Türkiyənin Antalya bölgəsində keçirən "Qəbələ" komandası ilk məşqinə çıxıb. "Report"un məlumatına görə, Roman Qriqorçukun rəhbərliyi altında baş tutan məşqə yeni transferlər Rəşad Sadiqov və Aleksey Qay da qatılıb. 

Hazırlıq prosesində uzun zamandır zədə üzündən yaşıl meydanlardan uzaq düşən Ruslan Əmircanov və Viktor Mendi də iştirak edib. Əvəzində qapıçı Kamran Ağayev xəstəlik səbəbindən məşqə çıxmayıb.  

Qeyd edək ki, "Qəbələ" hazırlıq prosesini gündəlik iki məşqlə davam etdirəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi