Bakı ​"İnter"i gürcüstanlı müdafiəçisi ilə yollarını ayırıb

Bakı. 23 may. REPORT.AZ/ Bakının "İnter" klubu futbolçu Laşa Salukvadze ilə yollarını ayırıb. Klubdan "Report"a verilən məlumata görə, 35 yaşlı müdafiəçinin anlaşma müddəti başa çatıb.

"Bankirlər" ötən ilin oktyabrında komandaya qaytardığı gürcüstanlı legionerlə yeni müqavilə imzalamamağa qərar verib.

Qeyd edək ki, Laşa Salukvadze ilk dəfə "İnter"ə sabiq baş məşqçi Kaxaber Tsxadadzenin dövründə transfer olunub. O, komandanı ötən yay tərk etsə də, bir müddət sonra komandaya qoşulub və Zaur Svanadzenin rəhbərliyi altında oynayıb.