İtaliya klubunun yeni baş məşqçisi müəyyənləşib

Bakı. 6 noyabr. REPORT.AZ/ İtaliyanın "Empoli" klubunun yeni baş məşqçisi müəyyənləşib. 

"Report" klubun saytına istinadən xəbər verir ki, komanda 54 yaşlı mütəxəssis Cüzeppe Yakiniyə həvalə olunub. O, bu postda Aurelio Andreaççolini əvəzləyib. İtaliyalı baş məşqçi ilə imzalanan müqavilənin şərtləri bəlli deyil. 

Qeyd edək ki, Cüzeppe Yakini son olaraq 2017-2018 mövsümündə ölkəsinin "Sassuolo" klubuna rəhbərlik edib. "Empoli" A Seriyasında 11 turdan sonra 6 xalla 18-ci pillədə qərarlaşıb.