Yuxarı

İsveçlilərin mundial sevinci: futbolçular canlı yayımda olan "Eurosport" şərhçilərinin üzərinə atılıblar - VİDEO

İsveçlilərin mundial sevinci: futbolçular canlı yayımda olan "Eurosport" şərhçilərinin üzərinə atılıblar - VİDEO
Şərhçilərin üzərinə atılan futbolçular efir üçün quraşdırılmış dayağı aşırıblar

Bakı. 14 noyabr. REPORT.AZ/ 2018-ci ildə Rusiyada keçiriləcək futbol üzrə dünya çempionatına çıxmaq hüququ uğrunda keçirilən İtaliya-İsveç "play-off" matçının sonunda maraqlı hadisə baş verib.

“Report” xəbər verir ki, hakimin iki oyunun nəticəsinə görə İsveçin qalibiyyətini elan edən final fitindən sonra Skandinaviya komandasının futbolçuları öz sevinclərini bölüşmək üçün canlı yayımda olan "Eurosport" telekanalının jurnalistləri tərəfə qaçıblar.

Şərhçilərin üzərinə atılan futbolçular efir üçün quraşdırılmış dayağı aşırıblar. Baş verənlər canlı yayımlanıb.

Noyabrın 13-də keçirilən matç zamanı İsveç futbolçuları iki oyunun nəticəsinə görə (1:0 və 0:0) İtaliyanı mübarizədən kənarlaşdıraraq dünya çempionatına vəsiqə qazanıblar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi