İspaniya yığmasının sabiq futbolçusu Xabi Alonso məşqçi olacaq

Bakı. 26 sentyabr. REPORT.AZ/ Futbol üzrə İspaniya yığma komandasının sabiq yarımmüdafiəçisi Xabi Alonso məşqçi olmaq qərarına gəlib.

"Report" TASS-a istinadən xəbər verir ki, bu barədə o, "Instagram" səhifəsində məlumat yazıb.

"Futbolda 17 ilim keçib və indi öz gələcəyimi müəyyənləşdirmişəm, mən məşqçi olmaq qərarına gəldim. Təfərrüatlar sonra olacaq", - deyə 35 yaşlı futbolçu bildirib.

Alonso karyerasını 2016/17-ci illər mövsümünün sonunda bitirib.