İspaniyalı futbolçu "Real Madrid"dən ayrılacağına dair iddiaları rədd edib

Bakı. 31 dekabr. REPORT.AZ/ İspaniyanın "Real Madrid" klubunun futbolçusu İsko komandadan ayrılacağına dair iddiaları rədd edib.

Bu barədə "Report" AS nəşrinə istinadən xəbər verir. 

26 yaşlı ispan yarımmüdafiəçi Madrid təmsilçisində qalmaq istədiyini vurğulayıb və məqsədinin bu klubda titullar qazanmaq olduğunu deyib.

Xatırladaq ki, İsko cari mövsümdə İspaniya La Liqasında 11 oyunda iştirak edib və 1 qol, 2 məhsuldar ötürmə ilə yadda qalıb. Onun baş məşqçi Santyaqo Solari ilə mübahisə etdiyi və komandadan ayrılacağı iddia olunub. Fransanın PSJ klubu İskonu heyətinə qatmaq üçün futbolçunun atası ilə görüşüb. Amma oyunçunun "Real Madrid"lə 2022-ci ilin yayına qədər müqaviləsi mövcuddur.