Yuxarı

​"İnter" və "Qəbələ" klubları Avropa Liqasının növbəti mərhələsinə vəsiqə qazanıb

Bakıda heç-heçə, Qəbələdə isə 2:0 hesablı qələbə qeydə alınıb

Bakı. 9 iyul. REPORT.AZ/ Bu gün futbol üzrə Avropa Liqasının I təsnifat mərhələsinin cavab görüşləri keçirilib.

"Report"un məlumatına görə, Azərbaycanın "Qəbələ" və "İnter" klubları növbəti mərhələyə vəsiqə qazanıb.

Bakıda Albaniya "Laçi"si ilə qarşılaşan paytaxt təmsilçisi qarşılaşmadan sülhlə ayrılıb - 0:0. İlk oyunda 1:1 hesablı bərabərlik qeydə alındığından II təsnifat mərhələsinə yüksələn tərəf "İnter" olub.

Qəbələnin eyniadlı komandası Gürcüstan təmsilçisi "Dinamo"nu qəbul edib. Tbilisi klubu ilə görüşdə "qırmızı-qaralar" rəqib qapısına yol tapa bilib və qarşılaşma meydan sahiblərinin 2:0 hesablı qələbəsi ilə yekunlaşıb. Gürcüstanda keçirilən ilk oyunda meydan sahibləri 2:1 hesablı qələbə qazandığından növbəti mərhələyə yüksələn tərəf Azərbaycan təmsilçisi olub.

Qeyd edək ki, Azərbaycanın Avropa Liqasındakı digər təmsilçisi "Neftçi" isə bu gün Bakı vaxtı ilə saat 23:30-da meydana çıxacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi