"İnter" klubu "Yuventus"un futbolçusu ilə 3 illik razılıq əldə edib

Bakı. 15 may. REPORT.AZ/ İtaliyanın "Yuventus" komandasının futbolçusu Kvadvo Asamoa yeni mövsümdən etibarən İtaliyanın "İnter" klubunda çıxış edəcək. 

"Report"un "Sky İtalia"ya istinadən verdiyi məlumata görə, Milan təmsilçisi 30 yaşlı müdafiəçi ilə 3 illik razılıq əldə edib.

Qanalı futbolçu yeni klubunda ilə 3.5 milyon avro qazanacaq. Asamoa yaxın vaxtlarda komanda ilə müqavilə imzalayacaq. 

Qeyd edək ki, Kvadvo Asamoanın "Yuventus"la müqaviləsi mövsümün sonunda başa çatır. "İnter" müdafiəçini azad agent kimi heyətinə qatacaq.