Yuxarı
    Bağlamaq

    "İnter"in baş məşqçisi: "Cəfəng qollar buraxdıq"

    Gürcüstanlı mütəxəssis bəxtsizlikdən şikayətlənib

    Bakı. 21 iyul. REPORT.AZ/ "Təəssüf ki, azarkeşləri sevindirə bilmədik. Növbəti mərhələyə keçmək şansımız var idi, lakin alınmadı".

    "Report"un məlumatına görə, bunu Bakı "İnter"inin baş məşqçisi Zaur Svanadze Lüksemburqda "Fola Eş"ə 1:4 hesabı ilə uduzduqları Avropa Liqasının II təsnifat mərhələsinin cavab görüşündən sonra deyib.

    Gürcüstanlı mütəxəssis bəxtsizlikdən şikayətlənib:

    "Paradoksal haldır ki, burada Bakıda oynadığımızdan daha yaxşı oynadıq. Yaxşı anlardan istifadə etməyi bacarmadıq. Sadəcə, cəfəng qollar buraxdıq. Bu futboldur, demək olar ki, həmişə bəxt gətirmir. Amma bəxtə layiq olmaq da lazımdır".

    Bakıdakı görüşdə "İnter" 1:0 hesabı ilə qalib gəlməsinə baxmayaraq, cavab qarşılaşmasında böyük hesabla yenildiyi üçün mübarizəni dayandırıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi