Yuxarı
    Bağlamaq

    "İnter"in Avropa Liqasında ev oyunlarını keçirəcəyi stadion dəyişib

    Klub rəqiblərini Dalğa Arenada yox, Bakcell Arenada qəbul edəcək

    Bakı. 30 may. REPORT.AZ/ Bakının "İnter" klubu futbol üzrə Avropa Liqası üçün ev arenasını müəyyənləşdirib. 

    Bu barədə "Report"a klubun icraçı direktoru Rəmiş Malıyev məlumat verib.

    Onun sözlərinə görə, "bankirlər" rəqiblərini "Bakcell Arena"da qəbul edəcəklər: "Əvvəlcədən "Dalğa Arena"da oynamaq istəyirdik. Amma sonradan qərara aldıq ki, "Bakcell Arena" daha münasibdir. 8-ci km qəsəbəsindəki bu stadionu "Qəbələ" də sifariş edib. Amma düşünürəm ki, səfər və ev oyunları məsələsini UEFA tənzimləyəcək".

    "İnter"İn Avroliqada rəqiblərini "İnter Arena"da qəbul etməməsinin səbəbi isə lisenziya müddətinin bitməsi və FİFA-dan yeni lisenziyanın alınmamasıdır.  

    Qeyd edək ki, Avropa Liqasında Azərbaycanın daha bir təmsilçisi olan "Zirə" "Dalğa Arena"nı sifariş edib. "Qarabağ" isə Çempionlar Liqası qarşılaşmalarını Tofiq Bəhramov adına Respublika stadionunda keçirəcək.    

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi