Yuxarı
    Bağlamaq

    ​"İnter" Azərbaycan çempionatının ikinci pilləsinə yüksəlib

    Bankirlər Premyer Liqanın XVII turunda Rəvanı məğlub ediblər

    Bakı. 15 dekabr. REPORT.AZ/ Bu gün futbol üzrə Azərbaycan Premyer Liqasında XVII tura start verilib.

    "Report"un məlumatına görə, günün yeganə oyununda "Rəvan" və "İnter" komandaları qarşılaşıb.

    "Bayıl Arena"da keçirilən matçı Rauf Cabbarov idarə edib. Komandalar bugünədək 9 dəfə üz-üzə gəlib və bütün görüşlərdə qələbəyə "bankirlər" seviniblər. Ardıcıl 3 oyun qələbəyə həsrət qalan "İnter" 2 qələbə və 3 heç-heçədən ibarət 5 oyunluq məğlubiyyətsizlik seriyasına malik "Rəvan"ı bu dəfə də yenməyi bacarıb. Hər iki qol ikinci hissədə standart vəziyyətlərdən vurulub. Əvvəlcə gürcü legioner Zurab Xizanişvili fərqlənib. Son dəqiqələrdə isə Limam Seydi topu tora göndərərək, Premyer Liqada ilk qolu vurub.

    Bu nəticədən sonra "İnter" 27 xalla 2-ci pilləyə yüksəlib. 11 xala malik "Rəvan" isə sonuncu pillədə qalıb.

    Premyer Liqa. 17-ci tur 

    "Rəvan" – "İnter" - 0:2

    Qol: Zurab Xizanişvili, 51. Limam Seydi, 86

    Bakı. "Bayıl Arena"

    Qeyd edək ki, turun digər oyunları 16-17 dekabrda keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi