Yuxarı
    Bağlamaq

    "İnter" son 55 ildə ilk dəfə avrokuboklarda ardıcıl 4 dəfə məğlub olub

    Komanda sonuncu dəfə 1961-ci ildə belə vəziyyətə düşüb

    Bakı. 30 sentyabr. REPORT.AZ/ Avropa Liqasının qrup mərhələsinin II turunda Çexiyanın "Sparta" klubuna məğlubiyyət (1:3) Milanın "İnter" (İtaliya) klubu üçün "əlamətdar" olub.

    "Report" xəbər verir ki, "neradzurra"nın bu məğlubiyyəti komanda üçün avrokuboklarda ardıcıl dördüncü olub ki, İtaliya təmsilçisi sonuncu dəfə belə vəziyyətə 1961-ci ildə düşüb.

    Beynəlxalq arenada cari məğlubiyyət seriyası 2015-ci ilin mart ayında başlayıb. Həmin vaxt "İnter" Avropa Liqasının ¼ finalında iki dəfə "Volfsburq"a (Almaniya) uduzub (1:3, 1:2).

    Frank de Burun komandasını daha bir məğlubiyyətə isə sentyabrın 15-də "San Siro"da "İnter"ə sensasiyalı şəkildə qalib glən İsrailin "Hapoel" (Beer-Şeva) klubu uğradıb (0:2).

    Xatırladaq ki, "İnter" 2010-cu ildə Çempionlar Liqasının qalibi olub və o zamandan bəri beynəlxalq arenalarda uğurlu nəticə göstərə bilməyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi