Bakı. 1 aprel. REPORT.AZ/ “Çelsi” futbol üzrə İngiltərə çempionatının 30-cu turunda keçirdiyi ev oyununda "Kristal Pelas"a 1:2 hesabı ilə məğlub olub.
“Report” xəbər verir ki, ev sahiblərinin qolunu Sesk Fabreqas vurub (5-ci dəqiqə).
Qonaqlardan Uilfrid Zaa (9) və Kristian Benteke (11) fərqlənib.
"Çelsi"nin məğlubiyyətsizlik seriyası 9-cu oyunda qırılıb. Londonlular bütün turnirlərdə ardıcıl 12 oyun idi ki, məğlub olmurdular.
"Çelsi" 69 xal ilə turnir cədvəlində liderliyini davam etdirir, "Kristal Pelas" 31 xal ilə 15-ci idir.
Digər oyunların nəticələri:
"Bernli" - "Tottenhem" - 0:2
"Lester" - "Stok Siti" - 2:0
"Mançester Yunayted" - "Vest Bromviç" - 0:0.