İngiltərə millisinin futbolçuları məşq vaxtı üfürülmüş təkbuynuza miniblər

Bakı. 20 iyun. REPORT.AZ/ İngiltərə milli komandasının futbol üzrə dünya çempionatında Panama yığmasına qarşı keçirəcəyi G qrupunun II tur matçına hazırlıq prosesindən görüntülər yayılıb. 

"Report"un "Indy Football" səhifəsinə istinadən verdiyi məlumata görə, fotolarda Qaret Sautgeytin baş məşqçi olduğu yığmanın hovuzdakı çalışmaları əksini tapıb. Məşq zamanı Ceymi Vardi, Harri Maquayr və Cessi Linqard üfürülmüş təkbuynuza miniblər.  

Qeyd edək ki, İngiltərə millisi ilk turda Tunisə 2:1 hesabı ilə qalib gəlib. Panama isə Belçikaya böyük hesabla uduzub - 0:3. İngiltərə - Panama matçı iyunun 24-də Nijni Novqorod şəhərində keçiriləcək.