Yuxarı
    Bağlamaq

    İngiltərə klubunun sabiq futbolçusu həbs oluna bilər

    Bakı. 17 aprel. REPORT.AZ/ İngiltərənin "Mançester Yunayted" klubunun sabiq futbolçusu Darron Gibson həbs oluna bilər.

    "Report"un BBC-yə istinadən verdiyi məlumata görə, səbəb 31 yaşlı futbolçunun avtomobili sərxoş vəziyyətdə idarə edərək dayanacaqda dayanmış maşını vurmasıdır.

    İrlandiyalı futbolçunun qanındakı spirt miqdarının normadan üç dəfə yüksək olduğu bəlli olub. O, məhkəmədə avtomobili sərxoş vəziyyətdə idarə etdiyini boynuna alıb.

    Qeyd edək ki, İngiltərənin "Sanderlend" klubu Gibsonun müqaviləsini ləğv edib. Bu məsələ ilə bağlı yeni qərar məhkəmə tərəfindən mayın 25-də veriləcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi