Yuxarı

İngiltərə klubları koronavirusa görə 1,3 milyard avro itirə bilərlər

İngiltərə klubları 1,3 milyard avro itirə bilərlər

İngiltərə Premyer Liqasında cari mövsüm bərpa olunmayacağı təqdirdə, klubların itirəcəyi məbləğ açıqlanıb.

"Report" Britaniyanın "The Telegraph" nəşrinə istinadən xəbər verir ki, bu hal baş verərsə, yerli komandalar ümumilikdə 1,3 milyard avro qazancdan məhrum olacaqlar.

Həmin məbləğin 866 milyon avrosunu teleyayım hüquqları, 227 milyon avrosunu bilet satışları, 199 milyon avrosunu isə sponsorluq müqavilələrindən əldə olunan gəlir təşkil edir.

Bunu nəzərə alan Premyer Liqa rəhbərliyi klubların futbolçuları ilə video-konfrans keçirərək mümkün maliyyə itkiləri barədə məlumat verib və onları maaşlarının 30 faizindən imtina etməyə çağırıb. 

Qeyd edək ki, aprelin 3-də İngiltərə Premyer Liqasının oyunlarının qeyri-müəyyən müddətədək təxirə salındığı açıqlanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi