İngiltərə çempionu müdafiəçisi ilə uzunmüddətli müqavilə imzalayıb

İngiltərənin "Mançester Siti" komandası futbolçusu Kayl Uokerlə müqavilənin müddətini uzadıb.

"Report" klubun saytına istinadən xəbər verir ki, 29 yaşlı cinah müdafiəçisi yeni sözləşməyə əsasən, 2024-cü ilin yayına qədər "şəhərlilər"in formasını geyinəcək.

Qeyd edək ki, Kayl Uoker 2017-ci ildə "Tottenhem"dən "Mançester Siti"yə keçib. O, komanda ilə 2017/2018 və 2018/2019 mövsümündə ölkə çempionu olub.