Yuxarı
    Bağlamaq

    “Hürriyet”: Fatih Terim “Qalatasaray”ın baş məşqçisi olacaq

    Təcrübəli mütəxəssis daha əvvəl 3 dəfə İstanbul təmsilçisinə rəhbərlik edib

    Bakı. 27 iyul. REPORT.AZ/ Türkiyənin futbol üzrə milli komandasının baş məşqçisi postundan istefa verən Fatih Terimin yeni iş yeri müəyyənləşmək üzrədir.

    “Report”un “Hürriyet” nəşrinə istinadən verdiyi məlumata görə, 64 yaşlı mütəxəssis yenidən “Qalatasaray”ın sükanı arxasına keçəcək.

    İstanbul təmsilçisinin hazırkı baş məşqçi xorvatiyalı İqor Tüdorla 400 min avro təzminat qarşılığında yollarını ayıracağı bildirilir.

    Türkiyə yığmasının başına keçəcək namizədlər arasında isə “Beşiktaş”ın baş məşqçisi Şenol Günəşlə Rusiya təmsilçisi “Zenit”dən ayrılan rumıniyalı Mirça Luçeskunun adları daha çox hallanır.

    Qeyd edək ki, Fatih Terim daha əvvəl 3 dəfə “Qalatasaray”ın baş məşqçisi olub. O, 1996-2000, 2002-2004 və 2011-2013-cü illərdə “sarı-qırmızılar”a rəhbərlik edib. Təcrübəli mütəxəssis "Qalatasaray"la 6 dəfə ölkə çempionu olmaqla yanaşı, 2000-ci ildə UEFA Kubokunu qazanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi