Hacı Hacıyev “Amkar”ın baş məşqçisi postundan istefa verib

Bakı. 2 mart. REPORT.AZ/ Rusiyanın “Amkar” futbol komandasının baş məşqçisi Hacı Hacıyev istefa verib.

“Report”un klubun rəsmi saytına istinadən məlumatına görə, Perm təmsilçisinə müvəqqəti olaraq köməkçi-məşqçi Vadim Yevseyev rəhbərlik edəcək.

Qeyd edək ki, Hacı Hacıyev 2014-cü ilin dekabrından “Amkar”ın baş məşqçisi idi. Komanda Rusiya Premyer Liqasında 20 turdan sonra 21 xalla 13-cü pillədə qərarlaşıb.