Yuxarı
    Bağlamaq

    ​Georgi Nikolov: "Qarabağ"ın bu addımına "Respect" düşür"

    İnterin prezidenti: Qurban Qurbanov başqa vəziyyətlərdə də eyni davranış sərgiləyərdi

    Bakı. 5 oktyabr. REPORT.AZ/ "Qapımıza təyin olunmuş penalti zərbəsini "Qarabağ"ın futbolçusu Elvin Məmmədovun kənara vurması məni təəccübləndirdi". Bunu "Report"a açıqlamasında "İnter"in prezidenti Georgi Nikolov deyib.

    Bolqarıstanlı funksioner bu cür davranışın "fair play" nümunəsi olduğunu bildirib. Onun sözlərinə görə, belə hərəkətlərə "Respect" düşür: "Aydındır ki, bu, futbola elə də xas olan hal deyil. Amma "Qarabağ"ın addımı onu göstərir ki, onlar böyük insanlardır və ədalətsiz yolla uğur qazanmaq istəmirlər".

    "Həmin anda nəticə fərqli olsaydı, baş məşqçi Qurban Qurbanov necə addım atardı" sualına isə G.Nikolov belə cavab verib: "Qurbanovun adından danışa bilmərəm. Həmin situasiyada məhz belə qərar verib və futbolçusuna topu kənara vurmağı tapşırıb. Başqa vəziyyətlərdə necə hərəkət edəcəyini bilmirəm. Məncə, yenə eyni davranış sərgiləyərdi".

    Qeyd edək ki, "İnter"lə "Qarabağ" arasında keçirilən Azərbaycan Premyer Liqasının VII tur matçının 88-ci dəqiqəsində baş hakim Elvin Əsgərov meydan sahiblərinin qapısına şübhəli penalti təyin edib. Üstəlik, "İnter"in qapıçısı Georgi Lomaya meydandan qovulub. Etirazlara baxmayaraq, E.Əsgərov qərarını dəyişməyib. Bu zaman Elvin Məmmədov penalti nöqtəsinə yaxınlaşaraq zərbəni qəsdən qapının üstündən vurub. O, baş məşqçi Qurban Qurbanovun istəyilə bu addımı atıb. Bu vaxt "Qarabağ" 1:0 hesabı ilə öndə olub. Sonradan oyun vəziyyətindən daha bir qol vuran Ağdam təmsilçisi inamlı qələbəsini rəsmiləşdirib - 2:0. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi