Bakı. 21 fevral. REPORT.AZ/ 19 yaşadək futzalçılardan ibarət Azərbaycan yığması növbəti yoldaşlıq oyununu keçirib.
"Report" xəbər verir ki, Ağatahir Əzimovun baş məşqçisi olduğu kollektiv yenə Türkiyənin müvafiq yaş qrupundan ibarət yığması ilə üz-üzə gəlib. Bakı İdman Sarayında baş tutan qarşılaşma Azərbaycan millisinin 1:10 hesablı məğlubiyyəti ilə yekunlaşıb.
Qeyd edək ki, iki komanda fevralın 19-da da qarşılaşıb. Həmin görüş Türkiyə millisinin 5:3 hesablı qələbəsi ilə başa çatıb.