Yuxarı
    Bağlamaq

    Futzal üzrə Azərbaycan millisi Hollandiya yığması ilə qarşılaşacaq

    Yığma tarixində ilk dəfə final mərhələsinə vəsiqəyə çox yaxındır

    Bakı. 12 aprel. REPORT.AZ/ Bu gün futzal üzrə Azərbaycan millisi dünya çempionatının "pley-off" mərhələsində cavab görüşünə çıxacaq. "Report"un məlumatına görə, rəqib Hollandiya yığmasıdır.

    Bakı İdman Sarayında keçiriləcək qarşılaşma saat 20:00-da start götürəcək. Hollandiyada 5:1 hesablı qələbə qazanan Azərbaycan millisinin Kolumbiyada keçiriləcək final mərhələsinə yollanmaq şansı daha çoxdur. Buna nail olsa, Tino Peresin baş məşqçi olduğu komanda tarixi uğura imza atacaq. İndiyədək Azərbaycanın heç bir yığması seçmə və "pley-off" mərhələlərini keçməklə, final mərhələsinə yüksələ bilməyib.

    Qarşılaşmanın birinci hakimi avstriyalı Cerald Baurnfeind olacaq. İkinci hakim qismində Ukraynadan olan Oleq İvanov meydana çıxacaq. Üçüncü hakim funksiyasını israilli Moşe Bohbot yerinə yetirəcək.

    Dünya çempionatı, pley-off, cavab görüşü

    20:00. Azərbaycan - Hollandiya

    Hakimlər: Cerald Baurnfeind (Avstriya), Oleq İvanov (Ukrayna), Moşe Bohbot (İsrail)

    Bakı. Əl Oyunları Sarayı

    İlk oyun - 5:1

    Qeyd edək ki, iki oyunun nəticəsində qalib komanda 10 sentyabr - 2 oktyabrda Kolumbiyada təşkil olunacaq dünya çempionatına vəsiqə qazanacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi