Yuxarı

​Futbolçu Sol Kempbell Londonun meri ola bilər

Arsenalın sabiq oyunçusunun namizədliyi mühafizəkarlar tərəfindən irəli sürüləcək

Bakı. 28 fevral. REPORT.AZ/ İngiltərə yığmasının sabiq müdafiəçisi Sol Kempbell bir ildən sonra London şəhər meriyasına keçiriləcək seçkilərdə iştirak edə bilər.

"Report" "Daily Mail"ə istinadən xəbər verir ki, "Arsenal"ın 40 yaşlı sabiq futbolçusunun namizədliyi Mühafizəkarlar Partiyası tərəfindən irəli sürüləcək.

Bu barədə müvafiq məsləhətləşmələr artıq aparılıb. Futbolçu öz namizədliyinin irəli sürülməsi barədə hələ yekun qərar qəbul etmədiyini bildirib.

Bununla yanaşı o, mer seçiləcəyi təqdirdə işləyəcəyi əsas istiqamətlər barədə danışıb.

Kempbell London ətrafında həyat səviyyəsini yaxşılaşdırmağı, həmçinin etnik azlıqları təmsil edən parlamentarilərin sayını artırmağı nəzərdə tutur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi