Yuxarı
    Bağlamaq

    Futbol üzrə Serbiya çempionatının oyunu stadionda iğtişaşlar səbəbindən dayandırılıb

    Qapıçı xəstəxanaya yerləşdirilib

    Bakı. 28 avqust. REPORT.AZ/ Futbol üzrə Serbiya çempionatında Belqradın "Srvena Zvezda" klubu ilə "Novi Pazar" arasında matç stadionda baş verən iğtişaşlar səbəbindən dayandırılıb.

    "Report" xəbər verir ki, bu barədə "Reuters" məlumat yayıb.

    Görüş "Novi Pazar" komandasının stadionunda keçirilib. Oyunun ikinci hissəsində hesab 2:0 "Srvena Zvezda"nın xeyrinə olan zaman, qonaqların hücumçusu Predraq Sikimiç rəqibin qapıçısı Mladen Jivkoviça zədə yetirib ki, bu da azarkeşlərin narazılığına səbəb olub. Onlar tribunanın oturacaqlarını qırmağa və "Srvena Zvezda"nın ehtiyat oyunçular skamyası tərəfə fişəng atmağa başlayıblar.

    Belə olan halda görüşün baş hakimi Milan İliç matçı dayandırmaq qərarına gəlib. Oyun 20 dəqiqədən sonra bərpa olunub və qonaqların 4:1 hesablı qələbəsi ilə başa çatıb.

    Qapıçı Jivkoviç almacıq sümüyünün qırığı diaqnozu ilə xəstəxanaya yerləşdirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi