Yuxarı

Futbol üzrə Azərbaycan Premyer Liqasında XVI tura start verilib

Futbol üzrə Azərbaycan Premyer Liqasında XVI tura start verilib
Turun açılış oyununda Qəbələ Zirə əliboş yola salıb

Bakı. 17 fevral. REPORT.AZ/ Futbol üzrə Azərbaycan Premyer Liqasında XVI tura start verilib. 

"Report"un məlumatına görə, turun açılış oyununda "Qəbələ" ilə "Zirə" komandaları üz-üzə gəlib. 

Qəbələ şəhər stadionunda təşkil olunmuş qarşılaşma meydan sahiblərinin qələbəsi ilə yekunlaşıb. Hərçənd hesabı 39-cu dəqiqədə "Zirə"nin yeni transferi Aleksandr Dedov açıb. Lakin fasilədən sonra meydan sahibləri hesabı öz xeyirlərinə dəyişməyə müvəffəq olublar. 55-ci dəqiqədə Stiven Monroz, 64-cü dəqiqədə isə Baqali Dabo fərqlənib. Beləliklə, "Qəbələ" 2:1 hesablı qələbə sayəsində xallarını 35-ə çatdıraraq 2-ci pillədə möhkəmlənib. "Zirə" isə 31 xalla 3-cü pillədə qalıb. Digər tərəfdən, Dabo qollarının sayını 10-a çatdıraraq bombardirlər siyahısında liderliyini möhkəmləndirib.

Qeyd edək ki, günün digər oyunu saat 18:30-da başlanacaq. "Kapital Bank Arena"da "Sumqayıt"la "Neftçi" komandaları üz-üzə gələcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi