Yuxarı

Futbol oyunu qaydalarında dəyişikliklər edilib

Yeni qaydalar 2016-2017 mövsümündən qüvvədə olacaq

Bakı. 14 aprel. REPORT.AZ/ Beynəlxalq Futbol Assosiasiyaları Şurası (İFAB) futbol oyunu qaydalarındakı diyşikliklərin siyahısını açıqlayıb. "Report"un məlumatına görə, yeni qaydalar 2016-2017 mövsümündən qüvvədə olacaq.

Praktik olaraq, hər bir oyun aspektində nəzərə çarpmayacaq dəyişiklik və ya dəqiqləşdirmə aparılıb.

Qayda 3. Oyunçular

Hakim oyunçunu matç başlayanadək meydandan kənarlaşdıra bilər (meydanın oyun öncəsi inspeksiyası anından etibarən). Bu, rəsmi sifariş ərizəsinin verilməsinədək baş verirsə, oyunçu matçda iştirak etməyə bilər. Bu, rəsmi sifariş ərizəsinin verilməsindən sonra, amma oyunadək baş verirsə, oyunçu əvəzlənməlidir. Bu zaman mümkün əvəzlənmələrin sayı azaldılmır.

Qayda 11. Ofsayd

Ofsayd müəyyənləşdirilərkən oyunçuların əli (o cümlədən, qapıçıların) qaydası nəzərə alınmır.

Qayda 12. Qayda pozuntuları

Topa bütün əl toxunuşları sarı vərəqə ilə cəzalandırılmamalıdır. Yalnız potensial məhsuldar hücumun dayandırılmasına səbəb olan əllə oyun sarı vərəqə ilə cəzalandırılmalıdır;

Top uğrunda mübarizə olmadığı vaxt rəqibin başa (sifətə) zərbəsi, toxunuşun minimal olduğu hallar istisna olmaqla, birbaşa qırmızı vərəqə ilə cəzalandırılır;

Ehtiyat oyunçular, komanda nümayəndələri və hakimlər briqadasının ünvanına təhqirlərə görə birbaşa cərimə zərbəsi cəzası verilir;

Oyunun gedişində meydanın hüdudlarından kənarda baş verən qayda pozuntuları üzbəüz xətdən birbaşa cərimə zərbəsi ilə cəzalandırılır;

Qol vurmaq imkanından məhrumetməyə gətirən, cərimə meydanında bilməyərəkdən qayda pozuntuları qovulma ilə yox, sarı vərəqə ilə cəzalandırılır

Qayda 16. Qapıdan zərbə

Top hərəkətsiz olmalıdır (hazırkı qaydalar bunu tələb etmir);

Qapıdan zərbə zamanı cərimə meydançası daxilində olan rəqib oyunçu topu vuran komandanın oyunçusunadək topa toxuna bilməz.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi