Yuxarı
    Bağlamaq

    Futbol üzrə Azərbaycan yığması bu gün Avstriyaya təlim-məşq toplanışına yollanacaq

    Milli komanda Serbiya və Norveçlə qarşılaşacaq

    Bakı. 1 iyun. REPORT.AZ/ Bu gün futbol üzrə Azərbaycan yığması Avstriyanın paytaxtı Vyanaya təlim-məşq toplanışına yola düşəcək. "Report"un məlumatına görə, toplanış çərçivəsində milli komanda Serbiya ilə yoldaşlıq görüşündə üz-üzə gələcək.

    Legionerlər hazırlıq prosesinə birbaşa qatılacaqlar. "Neftçi" və "Qarabağ"dan dəvət alanlar isə iki klub arasında iyunun 3-də keçiriləcək Azərbaycan Kubokunun final matçının ertəsi Vyanaya yollanacaqlar. Serbiya ilə Pölten şəhərindəki "NV Arena"da baş tutacaq qarşılaşma iyunun 7-də saat 20:00-da başlanacaq.

    Qeyd edək ki, milli üzvləri Avstriya toplanışının ardından Norveç yığması ilə AVRO-2016-nın seçmə qrup matçı üçün Osloya yollanacaq. İyunun 12-də "Ulleval" stadionunda keçiriləcək oyun Bakı vaxtı ilə saat 23:45-də başlanacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi