Yuxarı

Fransanın iki futbol klubu qonaq azarkeşlərin gəlməsinə qadağa qoyub

UEFA rəhbərliyi də bu addımı dəstəkləyib

Bakı. 18 noyabr. REPORT.AZ/ Fransanın iki futbol klubu Avropa Liqasının qrup mərhələsinin 5-ci turu çərçivəsində keçiriləcək oyunlar üçün qonaq azarkeşlərin gəlməsinə qadağa qoyub. "Report" xəbər verir ki, "Monako" və "Marsel"in ev oyunlarında qonaq komandanı heç kim dəstəkləməyəcək.

Fransa hökumətinin təhlükəsizlik tədbirlərini artırdığı məqamda klubların bu təşəbbüsünü Avropa Futbol Assosiasiyaları İttifaqı (UEFA) da dəstəkləyib. Qeyd edək ki, noyabrın 26-da "Monako" Belçika klubu "Anderlext"i, "Marsel" isə Hollandiya "Qroningen"ini qəbul edəcək.

Daha öncə təhlükəsizlik məsələləri ilə əlaqədar Brüsseldə baş tutmalı olan Belçika - İspaniya, eləcə də Honnoverdə keçirilməli olan Almaniya - Hollandiya yoldaşlıq görüşləri təxirə salınmışdı.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi