Yuxarı

“Football Leaks” saytının rəhbəri həbs olunub

​“Football Leaks” saytının rəhbəri həbs olundu

Bakı. 17 yanvar. REPORT.AZ/ “Football Leaks” layihəsinin təsisçisi Rui Pintu həbs olunub.

“Report” “Sabado” portalına istinadən xəbər verir ki, portuqaliyalı haker Macarıstanın paytaxtı Budapeştdə saxlanılıb. O, Lissabonun “Benfika” klubunun elektron sənədlərini oğurlamaqda ittiham olunur. Bu səbəbdən, Pintunun vətəninə ekstradisiya ediləcəyi bildirilir.

Günahı sübuta yetiriləcəyi təqdirdə, hakerin 10 il müddətinə azadlıqdan məhrumetmə cəzası alması mümkündür.

Qeyd edək ki, Rui Pintu redaksiyası Budapeştdə yerləşən “Football Leaks” nəşrini 2015-ci ildə təsis edib. Bu sayt futbol sektorunda məxfi maliyyə sənədlərini dərc etməklə məşhurlaşıb. Həmin sənədlər arasında FIFA-da korrupsiya hallarının olması da əksini tapıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi