Yuxarı
    Bağlamaq

    FIFA rəsmisi ABŞ-a ekstradisiyaya razılıq verib

    İsveçrə qanunlarına əsasən FIFA rəsmisi, on gün ərzində Birləşmiş Ştatlara gətirilməlidir

    Bakı. 10 iyul. REPORT.AZ/Amerikanın başlatdığı korrupsiya təhqiqatının bir hissəsi kimi İsveçrənin Sürix şəhərində həbs edilən 7 FIFA rəsmisindən biri Birləşmiş Ştatlara ekstradisiya olunmasına razılıq verib.

    "Report"un İnterfaks-a istinadən verdiyi məlumata görə, əvvəlcə ekstradisiyaya qarşı çıxan rəsmi bu gün köçürülməyə razılıq verib. İsveçrə rəsmiləri deyir ki, onlar həmin şəxsi nə zaman ABŞ-a veriləcəyinin detalları barədə açıqlama verməyəcək.

    İsveçrə qanunlarına əsasən o, 10 gün ərzində Amerika polisi tərəfindən götürülərək Birləşmiş Ştatlara gətirilməlidir.

    Mayın 27-si Sürixdə həbs edilən rəsmi ABŞ hüquq-mühafizə orqanları tərəfindən Şimali və Cənubi Amerikada futbol çempionatlarının təşkili üçün 150 milyondan çox rüşvət almaqda ittiham olunur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi