Yuxarı
    Bağlamaq

    FIFA prezidenti postuna 4 namizəd təsdiqlənib

    Seçki mayın 29-da keçiriləcək

    Bakı. 2 fevral. REPORT.AZ/ FIFA prezidenti postuna namizədlərin yekun sayı açıqlanıb. "Report"un ali futbol qurumunun rəsmi saytına istinadən verdiyi məlumata görə, bu vəzifəyə 4 iddiaçı qeydə alınıb. 

    Onlar FİFA-nın hazırkı prezidenti Yozef Blatter, İordaniya şahzadəsi Əli ibn Əl-Hüseyn, Hollandiya Krallığının Futbol İttifaqının başçısı Mixael van Praq, habelə, 2001-ci ilin ən yaxşı futbolçusuna verilən "Qızıl top"un sahibi Luiş Fiqudur. 

    Namizədlərinin hər birinin yoxlanışının nəticələrini aldıqdan sonra FIFA-nın seçki komissiyası onların təşkilatın əsasnaməsinə uyğun olub-olmadıqlarını yoxlamaqdan ötrü yenidən yığışacaq. Ardından seçki komissiyası FİFA prezidenti postu uğrunda mübarizə hüququ olan namizədləri rəsmən tanıyacaq və elan edəcək. 

    Qeyd edək ki, seçki mayın 29-da İsveçrənin Sürix şəhərində FİFA Konqresi çərçivəsində keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi