Yuxarı

FİFA-nın sabiq prezidenti dünya çempionatının müştərək təşkil olunmasına qarşı çıxıb

FİFA-nın sabiq prezidenti dünya çempionatının müştərək təşkil olunmasına qarşı çıxıb
Yozef Blatter: ABŞ və Meksika mundialı təkbaşına keçirməyə qadir olduqlarını sübuta yetiriblər

Bakı. 9 may. REPORT.AZ/ Futbol üzrə dünya çempionatları yalnız bir ölkədə keçirilməlidir. "Report"un məlumatına görə, bu barədə FİFA-nın sabiq prezidenti Yozef Blatter açıqlama verib.

DÇ-2026-ya müştərək ərizəni ABŞ, Kanada və Meksika verib. Digər namizəd Mərakeşdir. Qalibin adı bu il iyunun 13-də açıqlanacaq. Bu ölkələrdən Meksika 1986-cı, ABŞ isə 1994-cü ildə mundial təşkil edib. Blatterin fikrincə, bu ölkələr dünya çempionatını təkbaşına keçirmə qabiliyyyətini sübuta yetiriblər. Bu səbəbdən, ali futbol qurumunun sabiq rəhbəri birgə ərizənin səbəbini anlaya bilmədiyini vurğulayıb.

Qeyd edək ki, daha əvvəl 2002-ci il dünya çempionatı ilk dəfə iki ölkədə - Yaponiya və Cənubi Koreyada təşkil olunub. Bu, Yozef Blatterin FİFA prezidenti olduğu dövrə təsadüf edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi