Yuxarı

​FİFA-nın baş katibi vəzifəsindən kənarlaşdırılıb

​FİFA-nın baş katibi vəzifəsindən kənarlaşdırılıb
Valke DÇ biletlərinin yüksək qiymətə satılması sxemində iştirakda şübhəli bilinir

Bakı. 18 sentyabr. REPORT.AZ/ Beynəlxalq Futbol Federasiyasının (FİFA) baş katibi Jerom Valke xüsusi xəbərdarlıq olunanadək vəzifəsindən kənarlaşdırılıb.

"Report" xəbər verir ki, qurumun Etika Komitəsi tərəfindən onun barəsində rəsmi araşdırma başladılıb.

"FİFA baş katib ilə bağlı bəzi şübhələr barədə məlumatlandırılıb", — deyə qurumun yaydığı pres-relizdə bildirilir.

"The Guardian"ın yazdığına görə, Valke Dünya çempionatı biletlərinin yüksək qiymətə satılması sxemində iştirakda şübhəli bilinir. Guya idman məmuru bu əməliyyatdan iki milyon dollar vəsait əldə edib.

Hazırda Valke məzuniyyətə göndərilib. O bu vəzifəyə 2007-ci ildə seçilmişdi.

Valkenin vəzifələrini Markus Katner icra edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi