Yuxarı
    Bağlamaq

    FİFA futbolda 4-cü əvəzetmənin tətbiq olunmasını təsdiqləyib

    Hakim futbolçular tərəfindən təhqirə məruz qalsa, birbaşa penalti təyin edə biləcək

    Bakı. 4 iyun. REPORT.AZ/ Amerika Kubokunun təşkilatçıları final oyunu üçün yeni qaydalar tərtib edib. 

    "Report"un məlumatına görə, qaydalar 2016/2017 mövsümü üçün nəzərdə tutulsa da, final oyununda sınaqdan keçiriləcək.

    Yeni qaydalara əsasən, komandalara 4-cü futbolçunu əvəzetməyə icazə veriləcək. Üstəlik, oyunun əsas vaxtı heç-heçə bitərsə, komandalar əlavə vaxtda qalibi müəyyənləşdirməyə çalışacaqlar. Ən əsas məqam isə hakimlərlər bağlıdır. Referilər futbolçular tərəfindən təhqir edilərsə, birbaşa penalti təyin etmək hüququna malik olacaqlar.

    FİFA yeni mövsüm üçün 4-cü əvəzetmə və əlavə vaxt olmasını təsdiqləyib. Reqlamentə əsasən, 1/4 və yarımfinal mərhələlərində oyun bərabərə bitərsə, komandalar birbaşa penalti zərbələrinə keçid alır. Üstəlik, 1/4 finalda çıxış edəcək komandada futbolçuların bu mərhələyədək aldığı sarı vərəqələr də ləğv olunacaq.

    Qeyd edək ki, Amerika Kubokunda 16 ölkə 4 qrupda mübarizə aparır. Final oyunu iyunun 26-da keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi