Bakı. 10 yanvar. REPORT.AZ/ FİFA Şurası dünya çempionatının final mərhələsində iştirak edəcək komandaların sayının 32-dən 48-ə çatdırıldığını təsdiqləyib.
"Report"un məlumatına görə, bu barədə Şuranın İsveçrənin Sürix şəhərindəki iclasında qərar verilib. Yeni format 2026-cı ildən qüvvəyə minəcək. Qərara əsasən, 48 komanda 16 qrupda mübarizə aparacaq. Hər qrupda 3 yığma yer alacaq. Detallı açıqlama isə iclasda müzakirə olunacaq.
Qeyd edək ki, Şura üzvləri say artımına yekdilliklə səs veriblər.