FİFA DÇ-2018-in seçmə qrup mərhələsinin oyunu ilə bağlı intizam işi açıb

Bakı. 18 oktyabr. REPORT.AZ/ FİFA 2018-ci il dünya çempionatının seçmə qrup mərhələsində keçirilmiş Kosova - Xorvatiya oyunu ilə bağlı intizam işi açıb.

"Report"un məlumatına görə, intizam işinin açılmasına səbəb hər iki yığmanın azarkeşlərinin hərəkəti olub.

Xorvaityanın 6:0 hesablı qələbəsi ilə yekunlaşan oyunun sonunda azarkeşlər milliyətçi və Serbiyanın əlehinə şüarlar səsləndiriblər.

Qeyd edək ki, Kosovanın ev oyunlarını keçirmək üçün stadionu olmadığından həmin görüş Albaniyanın Şkodra şəhərində keçirilib.