Yuxarı
    Bağlamaq

    FİFA koreyalı futbolçunun bığuzadan kremə görə cəzalandırılmasını istəyib

    İş üzrə növbəti dinləmələr fevralın 5-də olacaq

    Bakı. 22 yanvar. REPORT.AZ/ FİFA Cənubi Koreya yığması və "Çecu Yunayted" klubunun futbolçusu Kan Su İlin 2 il müddətinə cəzalandırılması xahişi ilə İdman Arbitraj Məhkəməsinə müraciət edib. "Report"un məlumatına görə, ali futbol qurumu 28 yaşlı hücumçunun dopinqdən yararlanmasını səbəb göstərib. 

    Oyunçunun özü isə qadağan olunmuş preparatın bığ uzadan krem vasitəsilə orqanizminə daxil olduğunu və həmin kremin ona hədiyyə edildiyini açıqlayıb. 

    Ötən ilin iyununda İldən metiltestosteron anabolik steroidi aşkarlanıb. Dopinq-test milli komandanın heyətindəki debüt matçı ərəfəsində götürülüb. Həmin ay o, Cənubi Koreya Antidopinq Agentliyinin də iştirakı ilə ölkə çempionatının İntizam Komitəsi tərəfindən 15 oyunluq diskvalifikasiyaya məruz qalıb. Bu qərarı FİFA xeyli yüngül cəza sayıb. İş üzrə növbəti dinləmələr fevralın 5-də olacaq. 

    Qeyd edək ki, Kan Su İl "Çecu Yunayted"də 2011-ci ildən çıxış edir. O, 5 il ərzində 97 oyuna çıxıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi