Yuxarı

Estoniya klubu 4 futbolçusunun narkotik maddə qəbul etməsi səbəbindən aşağı liqaya endirilib

Onlar ekstazi və çətənə qəbul ediblər

Bakı. 31 dekabr. REPORT.AZ/ Estoniya Futbol İttifaqının İntizam Komitəsi "Tallin" klubunu cəzalandırıb. "Report"un qurumun rəsmi saytına istinadən verdiyi məlumata görə, buna komanda üzvlərinin narkotik maddə qəbul etmələri səbəb olub.

Ötən mövsüm 2-ci liqada çıxış etdiyi vaxt aparılmış dopinq-test nəticəsində klubun 4 futbolçusunun ekstazi və çətənə qəbul etdikləri üzə çıxıb. Bunlar Kevin Arike, Kevin İngermann, Henri Niinlaub və Yevgeni Berdinskidir. Arike ekstazi və çətənə, Berdinski ekstazi, İngermann və Niynlaub çətənə qəbul edib. Onların hamısı 21 yaşında olub. Oyunçulardan 3-ü 2 il, 1-i isə 1,5 il müddətinə diskvalifikasiyaya məruz qalıb. "Tallin" komandası isə 4-cü liqaya endirilib.

Qeyd edək ki, narkoman futbolçular arasında ən tanınmışı Kevin İngermann olub. O, bir neçə il öncə "Levadiya" və Estoniyanın 19 yaşadək futbolçulardan ibarət yığmasında çıxış edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi