Yuxarı

"Mançester Yunayted"in futbolçusu öz azarkeşləri tərəfindən irqçiliyə məruz qalıb

Eşli Yanq azarkeşlər tərəfindən irqçiliyə məruz qalıb

İngiltərə təmsilçisi "Mançester Yunayted"in futbolçusu Eşli Yanq öz komandasının azarkeşləri tərəfindən irqçiliyə məruz qalıb.

"Report" "Daily Mail"ə istinadən xəbər verir ki, hadisə kollektivin UEFA Çempionlar Liqasının 1/4 final mərhələsinin cavab oyununda İspaniyada "Barselona"ya 0:3 hesabı ilə uduzduqları oyundan sonra baş verib.

Fanatlar "Twitter" sosial şəbəkəsi vasitəsi ilə 34 yaşlı yarımmüdafiəçini qara dərili olması ilə bağlı təhqir ediblər.

"Mançester Yunayted" bu cür hərəkətləri kəskin şəkildə pislədiyini, futbolçunu təhqir edənlərin kimliyini müəyyənləşdirmək üçün çalışdıqlarını və onlara qarşı sanksiyalar tətbiq edəcəkərini bildirib.

Qeyd edək ki, ilk oyunda da rəqibinə məğlub olan "Mançester Yunayted" (0:1) turnirlə vidalaşıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi