Yuxarı

Əliyar Ağayevin idarə etdiyi oyunda Rusiya Çexiyanı darmadağın edib - FOTO

Əliyar Ağayevin idarə etdiyi oyunda Rusiya Çexiyanı darmadağın edib - FOTO

Bakı. 10 sentyabr. REPORT.AZ/ Futbol üzrə Rusiya və Çexiya yığmaları arasında yoldaşlıq görüşü keçirilib.

"Report"un məlumatına görə, "Rostov Arena"da təşkil olunmuş qarşılaşma meydan sahiblərinin 5:1 hesablı qələbəsi ilə yekunlaşıb. Azərbaycanlı FIFA referisi Əliyar Ağayevin idarə etdiyi qarşılaşmada hesabı 8-ci dəqiqədə Aleksey İonov açıb. O, 29-cu dəqiqədə penaltini də dəqiq yerinə yetirib. Meydan sahiblərinin digər qollarına 24-cü dəqiqədə Anton Zabolotnı, 79-cu dəqiqədə Aleksandr Yeroxin və 83-cü dəqiqədə Dmitri Poloz imza atıb. Qonaq komandanın təsəlli qolunu isə 74-cü dəqiqədə Tomaş Souçek vurub.

Ağayev oyunda hər iki sarı vərəqəni çexiyalı futbolçulara göstərib. 28-ci dəqiqədə yan Boril, 63-cü dəqiqədə Tomaş Souçek cəzalanıb.

Qeyd edək ki, Əliyar Ağayevə Zeynal Zeynalov və Rza Məmmədov yardımçı olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi