Bakı. 18 fevral. REPORT.AZ/ Türkiyənin Antalya şəhərində UEFA tərəfindən 14-15 yaşlı oğlanlardan ibarət komandaların iştirakı ilə “Video Köməkçi Hakim” (VAR) sertifikat turniri keçiriləcək.
"Report" AFFA-nın saytına istinadən xəbər verir ki, aprelin 19-dan 26-dək davam edəcək turnirin oyunlarını idarə edən hakimlərə sonda sertifikatlar təqdim olunacaq.
42 hakim və hakim köməkçisinin dəvət aldığı turnirdə ölkəmizi FİFA referisi Əliyar Ağayev, FİFA hakim köməkçiləri - Akif Əmirəli və Zeynal Zeynalov təmsil edəcək.