Yuxarı

​Əl-Şəravi: "Qarabağ" qələbə qazana bilər"

Komanda kompakt çıxış edir

Bakı. 4 noyabr. REPORT.AZ/ "Artıq ikinci dəfədir ki, Bakıdayam. İlk dəfə İtaliya yığması ilə gəlmişəm. Sabahkı oyuna hazırıq və qələbə qazanmağa çalışacağıq. Ancaq "Qarabağ" da güclü komandadır". "Report"un məlumatına görə, bunu "Monako" klubunun futbolçusu əl-Şəravi deyib.

Avropa Liqasının qrup mərhələsində sabah "Qarabağ"la keçiriləcək oyun haqda danışan futbolçu bunları bildirib: "Azərbaycanda oynayacağımız üçün azarkeş dəstəyi nəticəsində "Qarabağ" qələbə qazana bilər. Çünki "Qarabağ" güclü komandadır. Ancaq biz də qələbə qazanmaq istəyirik. Bakıya gəlincə, şəhəri gəzməyə o qədər də imkanımız olmadı. Çünki biz sabahkı oyuna motivasiya olunmuşuq. Maksim, Bədavi və Rəşada qarşı millidə oynamışam. Komanda kompakt çıxış edir".

Qeyd edək ki, sabah Tofiq Bəhramov adına Respublika stadionunda keçiriləcək "Qarabağ" - "Monako" oyunu saat 20:00-da başlayacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi