Yuxarı

Əfsanəvi ingilis personajlar mayın 29-dək Bakıda musiqili parad edəcəklər - FOTO

​Əfsanəvi ingilis personajlar mayın 29-dək Bakıda musiqili parad edəcə

Mayın 29-da Bakı Olimpiya Stadionunda İngiltərənin "Çelsi" "Arsenal" komandaları arasında keçiriləcək UEFA Avropa Liqasının oyunu ilə əlaqədar yerli Təşkilat Komitəsi maraqlı layihəyə imza atıb.

"Report" AFFA-nın rəsmi saytına istinadən xəbər verir ki, bu gündən mayın 29-dək əfsanəvi ingilis personajlar - Ceyms Bond, Böyük Britaniya kraliçası II Elizabet, onun mühafizə dəstəsi, əfsanəvi rok qrupu “Bitlz”, dünya şöhrətli komediya ustası Çarli Çaplin, “Queen” qrupunun vokalisti Freddi Merkuri, “Alisa möcüzələr diyarında” əsərinin qəhrəmanları, Harri Potter və dostları, ingilis xalqının sevimli nağıl qəhrəmanı – Robin Qud, dahi dramaturq Uilyam Şekspir, xəfiyyə Şerlok Holms və digərləri Bakının müxtəlif yerlərində musiqili parad edəcəklər.

Bu gün ilki baş tutmuş parad “Port Baku Mall”dan başlayaraq, Kukla Teatrını və şəhərin mərkəzini – Nizami küçəsini, Qoşa Qala qapısını əhatə edib. Paradın qəhrəmanları sakinlər tərəfindən maraqla qarşılanıb, onlarla şəkillər çəkdirilib. Personajların növbəti günlərində Bakının hansı nöqtəsində üzə çıxacağı isə sakinlər üçün sürpriz olacaq.

Tanınmış ingilis qəhrəmanların son dayanacağı isə mayın 29-da böyük derbinin keçiriləcəyi Bakı Olimpiya Stadionudur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi