Yuxarı

​Dünya çempionatında iştirakçıların sayı artırıla bilər

Bu təkliflə portuqaliyalı futbol əfsanəsi Luiş Fiqu çıxış edib

Bakı. 20 fevral. REPORT.AZ/ Portuqaliyalı futbol əfsanəsi Luiş Fiqu Dünya çempionatında iştirak edən komandaların sayının artırılmasını təklif edib. "Report"un "The Times"a istinadən verdiyi məlumata görə, FİFA prezidentliyinə namizəd 48 komandanın iştirakı ilə keçirilək turnirin 2 mərhələdən ibarət olmaqla 2 ölkədə baş tuta biləcəyini bildirib.

Portuqaliyalının sözlərinə görə, təşkilatçı olan hər ölkədə 24 komanda mübarizə apara bilər. Cavab görüşlərinin isə bir ölkədə keçirilməsi mümkündür: "Hesab edirəm ki, Dünya çempionatında iştirak edən ölkələrin sayı 32-dən 40-a, hətta 48-ə qədər artırıla bilər".

Qeyd edək ki, FİFA-nın yeni prezidentinin kimliyinə mayın 29-da aydınlıq gələcək. Sözügedən post uğrunda qurumun hazırkı rəhbəri Yosef Blatter, İordaniya şəhzadəsi Əli bin Al-Huseyn və Hollandiya Futbol Federasiyasının prezidenti Mixail van Praq mübarizə aparır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi