​Dodo: "Həyatım boyu bu şansı gözləyirdim"

Bakı. 16 sentyabr. REPORT.AZ/ "Bütün oyunlarda əlimdən gələni edirəm. Sabah PAOK-la oyunda da bacardığımı edəcəm". "Report"un məlumatına görə, bunu "Qəbələ"nin futbolçusu Dodo deyib.

Avropa Liqasının qrup mərhələsində Yunanıstan PAOK-u ilə qarşılaşmadan danış Dodo bunları bildirib: "Komanda şəklində qələbə üçün mübarizə aparacağam. Həyatım boyu bu şansı gözləyirdim ki, qrup mərhələsində oynayım. İstərdim ki, sabah tək mənim yox, komanda şəklində fərqlənək".

Qeyd edək ki, "Qəbələ" - PAOK qarşılaşması sabah saat 22:00-da start götürəcək.