Yuxarı

Dodo: "Biz titul istəyirik"

Qəbələnin kapitanı Braziliya mətbuatına danışıb

Bakı. 29 dekabr. REPORT.AZ/ "Mən xəyallarla yaşayıram, xüsusən də Avropa Liqasındakı çıxışımızdan sonra. "Qəbələ" qrup mərhələsində çıxış edəndə bütün oyunçular həmin səhnədə yer aldı". "Report"un məlumatına görə, bunu "Qəbələ"nin braziliyalı futbolçusu Dodo öz ölkəsinin mətbuatına açıqlamasında deyib.

Kapitan Avropa Liqasının qrup mərhələsində komandasına kömək etməyə çalışdığını bildirib. 29 yaşlı yarımmüdafiəçi "Qəbələ"nin Azərbaycan Premyer Liqasındakı çıxışı barədə də danışıb: "Məqsədimiz ölkə çempionatında liderliyi ələ keçirməkdir. Düzdür, birinci pillədən çox da geri deyilik. Hələ mübarizə davam edir və hər şey ola bilər. Biz titul istəyirik. Amma indi ailəmlə birgə dincəlməyi və daha sonra Azərbaycana qayıtmağı düşünürəm".

Qeyd edək ki, "Qəbələ" Azərbaycan Premyer Liqasında ilk 2 dövrədən sonra 28 xalla 4-cü pillədə qərarlaşıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi