Bakı. 30 iyun. REPORT.AZ/ Lüksemburqun “Differdanj” komandasının baş məşqçisi Paskal Karzaniqa futbol üzrə Avropa Liqasının I təsnifat mərhələsinin ilk oyunu çərçivəsində "Zirə"yə 0:2 hesablı məğlubiyyətdən sonra mətbuat konfransına gəlməyib.
"Report"un məlumatına görə, fransalı mütəxəssis təyyarəyə gecikdiklərini əsas gətirərək belə bir addım atıb.
Qeyd edək ki, bu kollektivlər arasında cavab matçı iyulun 6-da Lüksemburqda keçiriləcək.